ФИЛИППИНИЙ ЕРӨНХИЙЛӨГЧ ИЖИЛ ХҮЙСТНЭЭ СОНИРХДОГ БАЙГААД ЭДГЭРСЭН ГЭНЭ

Филиппиний Ерөнхийлөгч Родриго Дутертег дэлхийн хамгийн дуулиантай төрийн тэргүүн гэж үздэг. Тэрээр байсхийгээд л дуулиант мэдэгдэл хийж олныг алмайруулдаг. Тэр болгонд тайлбар өгөх, дуулианыг намжааж, арга эвийг олох гэсэн хэвлэлийн төлөөлөгч нь уйдах завгүй гэж болно.Дутерте нь хүн амын дийлэнх нь католик шүтлэгтэй улсын тэргүүн атлаа дэлхийн католик шүтлэгтнүүдийн тэргүүн Ромын пап ламыг “өлөгчний хүү” гэж байсан. НҮБ-ын Ерөнхий нарийн бичгийн дарга Бан Ги Муыг “тэнэг” гэж дуудсан, АНУ-ын Ерөнхийлөгч Бараг Обамаг “там руугаа тонил” гэж байсан хүн.Хамгийн сүүлд тэрээр Японд амьдардаг филиппинчүүдийн төлөөлөлтэй уулзахдаа өөрийн улс төрийн гол өрсөлдөгчийг “гомо” даапаалаад “Тэр бид хоёр адилхан байгаа нь сайн хэрэг. Би урьд нь өөрийгөө бага зэрэг “гомо” болохыг мэдэрч байсан. Гэхдээ би эдгэрсэн. Хуучин эхнэртэйгээ уулзаж эхлэхдээ өөртөө “Энэ шүү дээ” гэж хэлсэн тэгээд ахиад эр хүн болж хувирсан” гэжээ. Ингэснээр Дутерте нь ижил хүйстнээ сонирхох бэлгийн чиг хандлагаас эмчлэгдсэн анхны төрийн тэргүүн болж хувирав.