АВСТРАЛИД ЗЭВСЭГТ ДАЙРАЛТ БОЛЖ 5 ХҮН АМИА АЛДЖЭЭ

Австралийн Дарвин хотод үл мэдэгдэх хүн замын дэн буудалд амарч байсан хүмүүс руу гал нээсний улмаас 5 хүн амиа алдсан тухай “The Daily Mail Australia” мэдээлж байна.Зургаадугаар сарын 4-нд, орон нутгийн цагаар 18 цагийн үеэр үрлэн сумтай тайрмал буугаар зэвсэглэсэн үл мэдэгдэх хүн зам дагуух дэн буудлын өрөөнүүд рүү дайрч, тэнд амарч байсан хүмүүс рүү буудаж эхэлжээ. Гэрчүүд 20 гаруй удаа буун дуу гарсан гэсэн аж. Гэмт этгээд дайралт хийсний дараагаар жийп машинд суун зугтахыг завдсан ч цагдаа нар замыг нь хаан баривчилж чадсан байна. Юуны улмаас ийм гэмт хэрэг хийх болсон нь хараахан тогтоогдоогүй байгаа.Үүнээс өмнө буюу зургаадугаар сарын 1-нд Америкийн Виржиния-Бич хотын захиргааны ажилтан хамт ажилладаг хүмүүс рүүгээ буудсан хэрэг гарсан. Тэр үеэр 12 хүн амиа алдаж, гэмт этгээд цагдаа нартай буудалцах үеэр шархдан, эмнэлэгт хүргэгдсэн ч шархаа даалгүй нас барсан.