ГЕРМАНААС 320 ТЭРБУМЫН НӨХӨН ТӨЛБӨР ШААРДЛАА

Грек улсаас ХБНГУ-д суугаа Элчин сайд нь Дэлхийн нэгдүгээр болон хоёрдугаар дайны улмаас үзүүлсэн хохирлын нөхөн төлбөр болох 320 тэрбум евроны төлөлтийн талаар хэлэлцээрийн ширээний ард суухыг уриалсан нот бичгийг Германы Гадаад харилцааны яаманд гардуулсан өгчээ.Грекийн парламент дөрөвдүгээр сарын 17-нд болсон хуралдаанаар Германаас нөхөн төлбөр шаардахаар шийдсэн юм. Тэр өдөр батлагдсан тогтоолд Германы зүгээс Дэлхийн нэгдүгээр дайны үед Грект учруулсан хохирлыг 9,2 тэрбум евро, Дэлхийн хоёрдугаар дайны үеэр учруулсан хохирлыг 309,5 тэрбум евро гэж үнэлсэн.Германаас дайны нөхөн төлбөр шаардаж байгаа улс нь Грек дангаараа биш юм. Польш нь Дэлхийн хоёрдугаар дайны үеэр Германы учруулсан хохирлын төлбөр гэж 900 тэрбум евро төлөхийг шаардаад байгаа юм. Германы тал нь Польшийн шаардлагын хариуд өмнөх жилүүдэд хангалттай хэмжээний нөхөн төлбөр өгсөн, дээр нь 1953 онд тухайн үед социалист байсан Польш нь Германаас нөхөн төлбөр авахаас татгалзсан гэдгийг сануулсан байдаг.