ХЯТАДЫН КОМПАНИУДЫН ЭСРЭГ ӨРСӨЛДӨХ ЧАДВАРАА НЭМЭГДҮҮЛЭХИЙГ УРИАЛАВ

ХБНГУ-ын Канцлер Ангела Меркель нь Хятадын бизнесийг удахгүй европ компаниудын гол өрсөлдөгч болно гэдгийг тооцож үзсэний үндсэн дээр эдийн засагтай холбоотой хууль батлаж байхыг Европын холбооны удирдлагад уриалсан байна.  Тэрээр “Ойрын таван жилийн дотор Хятадыг Европ руу орж ирэхгүй гэдэгт та нар яаж итгэлтэй байж чадаж байна вэ? Иймэрхүү мэдэгдлүүдийг ухвар мөчид гэж үзэж байна” гэжээ. Мөн Европыг бодитоор өрсөлдөх чадвартай болгохын тулд Европын холбооны удирдлагууд бизнестэй холбоотой зарим дүрмээ өөрчлөх ёстой гэсэн байна.  Хятад ба Америкийн өрсөлдөөнөөс өөрсдийн үйлдвэрлэгчдээ хамгаалахын тулд Европын холбоо нь хэрэглэгчдийн эрх ашгийг хамгаалахтай холбоотой дүрэм журмаа өөрчлөх ёстой гэсэн байр суурийг Герман, Франц улсууд баримталж байгаа юм.   Энэ оны эхээр Германы “Siemens” ба Францын “Alstom”-ын галт тэрэг үйлдвэрлэх нэгжүүдийг нэгтгэннэг компани болгох тохиролцоог Европын холбооны удирдлага хориглосон. Хэрэв энэ хоёр том компани нийлбэл Европын зах зээл дээр хэт давуу боломжтой том компани үүссэнээр хэрэглэгчдийн эрх ашиг зөрчигдөнө гэж Европын холбооны удирдлагууд үзсэн аж.  Гэтэл Европын компаниуд нийлж хөрөнгө, хүчээ хавсралгүйгээр Засгийн газраасаа ихээхэн дэмжлэг авдаг Хятадын том компаниудтай шударгаар өрсөлдөх боломжгүй гэж зарим судлаач үзэж байна.