ИРАНЫГ УСАН ОНГОЦ ДЭЛБЭЛСЭН ХЭРЭГТ СЭЖИГЛЭЖЭЭ

Тавдугаар сарын 12-нд Арабын Нэгдсэн Эмиратын Фужейра боомтод үл мэдэгдэх хорлон сүйтгэгчид газрын тос тээвэрлэгч 10 усан онгоц руу довтлон дэлбэлсэн хэрэг гарсан. Энэ хэрэгт Йорданы хусит босогчдыг сэрдэж байсан ч Израйлийн тагнуулын “Моссад” алба тус Ираны тусгай албад үйлдсэн гэх нотолгоог олсон аж. Үүнээс өмнө АНУ-ын Төрийн департамент нь Ираныг газрын тосны үнийг өсгөх зорилгоор Саудын Арабын онгоцуудыг дэлбэлсэн гэж буруутгаад байсан юм.Ойрын өдрүүдэд Америкийнтал нь хорлон сүйтгэх ажиллагааг Иран үйлдсэн тухайд өөрсдийн болон Израйлийн цуглуулсан нотлох баримтыг НҮБ-ын Аюулгүйн зөвлөлд танилцуулан Ираны эсрэг эрс шийдэмгий арга хэмжээ авахыг шаардах аж.Израйльчууд нь Ираны хорлон сүйтгэгчид усан онгоцон дээрх хүмүүсийг гэмтэлгүйгээр маш өндөр төвшинд тусгай ажиллагаа явуулсан, үүнийг нотлох баримт байгаа гэсэн утгатай мэдэгдэл хийсэн. Саудын Арави нь энэ хэрэгт мөн л Ираныг буруутган “Бүх хүчээрээ хариу цохилт өгөх болно” гэж мэдэгдсэн. Харин АНУ нь хорлон сүйтгэх ажиллагаан Ираны мина ашиглан үйлдсэн, зорилго нь газрын тосны үнийг өсгөх гэж мэдэгдээд байсан юм.Ийнхүү Ираныг хорлон сүйтгэх ажиллагаа явуулсанд буруутгаснаар АНУ ба бүс нутаг дахь түүний холбоотнууд нь Ираны эсрэг эдийн засгийн нэмэлт хориг арга хэмжээ авах, цаашилбал байлдааны ажиллагаа явуулах шалтагтай болж байгаа юм. АНУ нь Ираныг уран баяжуулахгүй байх тохиролцоогоо зөрчин цөмийн зэвсэг үйлдвэрлэхээр зэхлээ гэж буруутган эдийн засгийн хориг арга хэмжээ авч, цөмийн зэвсэг үйлдвэрлэх хөтөлбөрөө хаахгүй бол цэргийн хүчээр асуудлыг шийднэ гэж сүрдүүлээд байгаа юм.2003 онд АНУ нь Иракийг мөн л цөмийн болон химийн зэвсэг нууцаар үйлдвэрлэсэн, хэрэглэхэд зэхсэн гэж буруутган хуурамч нотолгоогоор шалтаглан дайрч Саддам Хуссейний дэглэмийг түлхэн унагаж, улсыг нь эзлэн авч байсан.