МҮМУУХ: ЭНЭ ЖИЛИЙН НААДАМ ҮҮЛДЭРЛЭГ БАЙДЛАА ХАРЖ МОНГОЛ АДУУГААР УРАЛДАНА

МҮМУУХ: УЛСЫН НААДАМ, БҮСИЙН УРАЛДААНД ЗӨВХӨН МОНГОЛ МОРЬ УРАЛДУУЛНА  

Монголын үндэсний морин уралдаан уяачдын холбоо нь Монгол адуу Монгол наадам уриан дор нэгдэж Анхдугаар их хурлаа 2019 оны 04 дүгээр сард Төрийн ордонд 900 орчим уяачдыг хамруулан хийсэн. Анхдугаар их хурлаар 21 аймаг 330 сумын малчин уяачдыг хамруулсан бөгөөд тус их хурлаар уяачдын зөвлөл гэж байгуулагдаж уяачдын зөвлөл нь тэргүүлэгч 108 гишүүнтэй байхаар зааж их хурлаараа сонгожээ.Тус холбоо уяачдын зөвлөлийн тэргүүлэгчдийн хурлаа зохион байгууллаа. Хурлаар  ЕНБД, дэд ерөнхийлөгч, удирдах зөвлөлийн 21 хүнээ сонгох аж. Хуралдаанаар . ”Монголын үндэсний морин уралдаан уяачдын холбооны Анхдугаар Их хурлаас сонгогдсон Уяачдын зөвлөлийн тэргүүлэгчдийн хурлаар Ерөнхий нарийн бичгийн даргаар Мөнхбатын Ариунболдыг уяачдын зөвлөлийн тэргүүлэгчдийн 100%-ийн саналаар сонголоо.

Тэргүүлэгчдийн хурлын үеэр хэвлэлийн бага хурал зарлаж тус хэвлэлийн хурлаар энэ жилийн  Улсын баяр наадам, Бүсийн уралдаанд зөвхөн Монгол морьдоо уралдуулана гэдгээ Монголын Үндэсний морин уралдаан, уяачдын холбоо мэдэгдэж байна.

Монголын Үндэсний морин уралдааны уяачдын холбооны  бүс хариуцсан дэд ерөнхийлөгч  Ц.Дуламсүрэн хэлэхдээ, “Сүүлийн жилүүдэд эрлийз морьдыг уралдуулах болсон нь сэтгэл эмзэглүүлж, наадам үзэхэд сэтгэлд хүрэхээ больсныг та бүхэн мэдэж байгаа. Аль ч улсад адууг үүлдрээр нь хольж уралдуулдаггүй. Аймаг, орон нутгийн уяачид хамгийн сайн хүлэг, монгол адуугаа уяж ирээд сэтгэл дундуур буцаж байгааг харахад их харамсалтай байдаг. Олон уяач биднээс наадмаар үнэхээр монгол морь уралдах уу, тэр цагт л итгэл дүүрэн төрийнхөө наадамд тоосоо өргөх хүсэлтэй байна гэж ярьж байна. Тиймээс манай холбоо дан монгол морьдоо уралдуулж байхын төлөө ажиллана хэмээн мэдэгдлээ.Ингэхдээ зөвхөн сэрвээний өндөр биш үүлдэрлэг байдлыг онцлож чухалчилхыг холбогдох шатны байгууллагуудад мөн Үндэсний баяр наадамыг зохион байгуулах комисст хандана гэдгээ мөн  илэрхийлсэн юм .