КАЗАХСТАН ЦӨМИЙН ЦАХИЛГААН СТАНЦ БАРИХ ТЕНДЕР ЗАРЛАВ

Эрчим хүчний экологийн цэвэр эх үүсвэрийг бүгд магтаж, нүүрсний болон цөмийн цахилгаан станцуудыг хортой гэж нүүд үзүүрлэх нь дэлхийн нийтийг хамраад байгаа үзэгдэл. Гэвч зарим улс сэргээгдэх эрчим хүчний боломжийг хэт дөвийлгөж байна гэж үзсэн хэвээр байна.

Ийм улсын нэг нь Казахстан. Казахстан нь хоёрын хоёр цөмийн цахилгаан станц барих тендер албан ёсоор зарласан тухай “BussinesKorea” мэдээлжээ. Казахстанд цөмийн цахилгаан станц барих тендерт ялахын төлөө энэ салбарт тэргүүлдэг ОХУ, АНУ, БНХАУ, Өмнөд Солонгосын компаниуд болон Франц ба Японы хамтарсан консорциумуд өрсөлдөж эхэлжээ. Тендерийн хариуг 2019 оны есдүгээр сард зарлах аж.

Одоогийн байдлаар дэлхийн 31 улсад нийт 452 эрчим хүч үйлдвэрлэгч блок бүхий 193 цөмийн цахилгаан станц үйл ажиллагаа явуулж, 54 эрчим хүчний блок баригдаж байгаа. Цөмийн цахилгаан станц барих салбарт одоогоор ОХУ-ын “Росамтом” корпораци тэргүүлж байна. Тус корпораци нь дэлхийн 12 оронд 36 эрчим хүчний блок байгуулах төслийг хэрэгжүүлж байна.

Казахстан нь ураны нөөцөөрөө дэлхийд хоёрдугаарт ордог. Тус улсад дэлхийн ураны нөөцийн 11,81 хувь байдаг нь 629 мянган тонн болно. Одоогоор тус улсад олборлолт явуулдаг ураны 16 орд газар бий.

Б.Бадрал