ТРАМП МЭЙТЭЙ ТУСГАЙЛАН УУЛЗАХГҮЙ

Их Британид албан ёсны айлчлал хийж буй АНУ-ын Ерөнхийлөгч Дональд Трамп нь Британий Ерөнхий сайд Тереза Мэйтэй ганцаарчлан уулзахгүй болсон тухай “Daily Mail” мэдээлж байна. Мэй ба Трамп нар нь сайд нар ба өндөр албан тушаалтнуудын хүрээнд уулзалт явуулахаар болжээ. Гэхдээ хоёр удирдагчидбогино хугацаанд албан бус байдалд ганцаарчлан уулзаж санал солилцох боломж гарах аж. Ийм өндөр түвшний айлчлалын үеэр биечлэн уулзалт хийхгүй байх нь тун ховор тул олны анхаарлыг илүүтэй татаж байгаа нь мэдээж.

Тереза Мэй энэ долоо хоногийн сүүлээр суудлаасаа огцрох гэж байгаа нь уулзалтыг ийм түвшинд хийхэд хүргэсэн байж болох юм. Дональд Трамп нь удахгүй огцрох Мэй гэхээсээ илүү түүний суудалд сууж магадгүй хүмүүстэй уулзаж санал бодол солилцоход илүүтэй анхаарч байгаа бололтой. Тухайлбал, тэрээр Британийн Ерөнхий сайд болох магадлал хамгийн өндөр гэгдэж буй Гадаад харилцааны сайд асан Борис Жонсон ба “Brexit” намын дарга Найжел Фараж нартай биечлэн уулзахаар болжээ.

Б.Бадрал