БНСУ-ЫН ЭЛЧИН САЙД ЖОН ЖЭ НАМТАЙ ХОЛБООТОЙ МЭДЭГДЭЛ ГАРГАЖЭЭ

БНСУ-аас Монгол Улсад суугаа Элчин сайдаар ажиллаж байгаа Жон Жэ Намтай холбоотой мэдээлэл SBS телевизээр тавдугаар сарын 28-ны өдөр гарчээ.Түүнийг эрх мэдлээ ашиглан виз зуучилсан байж магадгүй гэсэн мэдээлэл байгаа юм. Мөн Элчин сайдыг ажилтнуудтайгаа зүй бусаар харьцаж, зохисгүй үйлдэл гаргасан гэж үзэн, тус улсын Гадаад хэргийн яам аудитын шалгалт хийхээр болсон юм.

Элчин сайд Жон Жэ Нам "SBS телевиз болон бусад дотоодын хэвлэл мэдээллийн байгуулага нэг талыг баримталсан мэдээлэл бэлтгэж, олон нийтэд ташаа мэдээлэл өгсөн. Албан ёсны шалгалтын үр дүн гартал Монголын хэвлэл мэдээллийн байгууллагууд ч нэг талыг барьсан мэдээ гаргахгүй байхыг хүсье. Мөн удаашралтай байгаа БНСУ-ын визийг дүрэм журмын дагуу зохицуулан ажиллаж байгаа бөгөөд хэсэг бүлэг хүмүүсийн эсэргүүцлээ илэрхийлж байгаа арга хэмжээ гэж үзэж байна. Тиймээс албан ёсны шалтгалт хийгээгүй байгаа учир эргэн олон нийтэд мэдээлэл өгөх болно" гэсэн байна.