“ӨРГӨӨ” АМАРЖИХ ГАЗАРТ ХҮҮХДЭЭ ТӨРҮҮЛЭХЭЭР ОЧСОН ЭХ ЭНДЖЭЭ

Энэ сарын 30-31-ны шилжих шөнө Өргөө амаржих газарт төлөвлөгөөт хагалгаагаар амаржих гэж байсан 37 настай эх харамсалтайгаар амь насаа алдсан хэрэг гарлаа. Талийгаач Ч нь өмнө нь гурван хүүхэдтэй бөгөөд дөрөв дэх хүүхдээ төрүүлэхээр 7 хоног Өргөө амаржих газарт хэвтсэн байна. Талийгаачийн гэр бүлийнхний хэлж буйгаар тэрээр хагалгаанд орохоор хүлээж, дусал тариа хийлгэсэн байсан бөгөөд үүнээс хойш хараа хяналтгүй орхисноос амь насаа алдсан гэж үзэж байгаа юм.

Талийгаач  хамгийн сүүлд 22 цагийн орчим нөхөртэйгээ утсаар ярьсан байна. Харин шөнийн 3 цагийн үед талийгаачийн нөхөрлүү танихгүй дугаараас залган танай эхнэр сэхээнд байна хурдан ир гэжээ. Түүнийг ирэхэд сэхээний өрөөнд оруулаагүй бөгөөд эмч нар танай эхнэр сэхээнд байгаа бид арга хэмжээ авч байна гэж хэлсэн боловч талийгаач Ч нь аль хэдийнэ амьсгал хураасан байжээ.