ЦЭРГИЙН АЛБА ХААГЧИЙН ЦОГЦОСТ ШИНЖИЛГЭЭ ХИЙГЭЭД ТӨРСӨН НУТАГТ НЬ ХҮРГҮҮЛЖЭЭ

Дорноговь аймгийн Хатанбулаг сум дахь хилийн цэргийн 0168-р ангийн алба хаагч амиа алдсан талаар бид мэдээлсэн. Тэгвэл талийгаачийн цогцост өнөөдөр шүүх байгууллагаас шинжилгээ хийгээд төрж өссөн нутаг дахь гэр лүү нь хүргүүлсэн байна. Тэрээр өнгөрсөн 2018 оны намар Өмнөговь аймгийн Сэврээ сумаас цэргийн албанд татагдсан нэгэн байжээ. Талийгаач 0168-р ангийн застабт гарч, адуу маллаж байсан бөгөөд бусад 2 байлдагчин хамт 25-ны өдөр үүргээ гүйцэтгэж байгаад сураггүй болжээ. Цэргийн ангиас эрэн хайх ажиллагаа зохион байгуулж, 28-ны өдөр буюу өчигдөр 16 цагийн орчимд цогцсыг нь олсон байна. Ингээд ар гэрийнхэнд нь мэдэгдсэн гэж талийгаачийн эгч мэдээлсэн юм. Харин тус заставын дарга Э “Цагдаагийн байгууллага шалгаж байгаа тул мэдээлэл өгөх боломжгүй” гэсэн. Мөн Хил хамгаалах ерөнхий газраас ч тодорхой мэдээллийг өгөхгүй байна.