ЯЛЛАГДАГЧААР ТАТАГДСАН О.ОРХОН ХОНГКОНГРУУ НИСЧЭЭ

Эрдэнэт үйлдвэрийн 49 хувийг авахдаа дөрвөн үндсэн хуулийг зөрчсөн мөнгө угаасан гэх хэргээр Худалдаа хөгжлийн банкны удирдлагуудыг АТГ, ЭЦГ хамтран эрүүгийн хэрэг үүсгэн шалгаж байгаа юм. Нийслэлийн прокурорын газраас ХХБ-ны ТУЗ-ийн дарга Д.Эрдэнэбилэг, Гүйцэтгэх захирал О.Орхон, Монголын зэс корпорацийн гүйцэтгэх захирал Ц.Пүрэвтүвшин нарыг цагдан хорьж шалгах хүсэлтийг шүүхрүү хүргүүлсэн байдаг. Гэвч ХХБ-ны удирдлагууд шүүгч Х.Идэрээс татгалзсан учир шүүх хурлын тов гаралгүй хойшлоод байна. Хууль, шүүхийн байгууллага ийнхүү ажиллагаа явуулж байхад  О.Орхон хилээр гарчээ. Тэрбээр 5-р сарын 20-ны өдөр Хонгконгруу шууд нислэгээр явсан байна.