УВС АЙМГИЙН ЗАСАГ ДАРГА Д.БАТСАЙХАН БНСУ-Д ЯМАР АЖЛААР ЯВАА ВЭ

Увс аймгийн цагдаагийн алба хаагч нар насанд хүрээгүй хүүхдүүдийг хүчиндсэн, жирэмсэн болгосон хэргүүдээр шалгагдаж байгаа. Цагдаагийн байгууллагаас хэрэгт холбогдсон алба хаагчдыг ажлаас нь чөлөөлөн шалгаж байгааг мэдэгдсэн. Тэгвэл тус аймгийн удирдлага хүүхэд, гэр бүлийн хүчирхийллийн асуудалд хэрхэн анхаарлаа хандуулдаг нь сонин. Учир нь аймгийн ИТХ-ын дарга нь Гэмт хэргээс урьдчилан сэргийлэх хэлтсийн даргын албан тушаалыг, Аймгийн Засаг дарга нь Хүүхдийг хамгаалах хэлтсийн даргын албан тушаалыг давхар хашдаг. Гэвч тэдний хариуцсан асуудлуудаар хүүхдүүд хохирчихоод байхад хариуцсан албан тушаалтнууд нь ажлын байрандаа байхгүй байна. Тодруулбал, аймгийн Засаг дарга Д.Батсайхан нь БНСУ-д яваа юм. Ямар ажлаар яваа нь тодорхойгүй. Албан бус эх сурвалжийн мэдээллээр тэрбээр эмчилгээ хийлгэхээр тус улсад байгаа гэх мэдээлэл байна. Түүнчлэн БНСУ-аас эргэн ирээд, Улаанбаатар хотод тавдугаар сарын 25-ны хүртэл ажиллах талаар тус аймгийн ИТХ-ын төлөөлөгч Ц.Батболд мэдээлэл гаргажээ