ХӨСҮТ: СҮРЬЕЭГИЙН ТАНДАЛТ СУДАЛГАА ӨНӨӨДРИЙН БАЙДЛААР 10 СУРГУУЛЬ ДЭЭР ХИЙГДЭЖ БАЙНА

Төв аймгийн Сүмбэр сумын Ерөнхий боловсролын сургуулийн сурагчдад сүрьеэгийн тандалт шинжилгээ өчигдөр хийжээ. Шинжилгээний дүнгээр 200 сурагч сүрьеэгийн халдвар авсан нь тогтоогдсон байна. Энэ талаар ХӨСҮТ-ийн Сүрьеэгийн тандалт судалгааны тасгийн эмч н.Наранзулаас тодруулахад “ХӨСҮТ-өөс 90 сургуульд сүрьеэгийн тандалт шинжилгээ хийнэ. Яг өнөөдрийн байдлаар 10 сургуульд энэ шинжилгээ хийгдэж байна. Сургууль тус бүрээр нь биш, нэгдсэн байдлаар мэдээллийг хүргэнэ. Өнөөдрийн байдлаар тандалт хийгдэж байгаа 10 сургуулиас тодорхой тоо гарна” гэлээ. Манай улсын иргэдийн 3 хүн тутмын нэг нь сүрьеэгийн халдвартай гэсэн судалгаа бий. Сүрьеэгийн халдвартай байна гэдэг нь сүрьеэ өвчтэй гэсэн үг биш. Халдварыг өвчин болгохгүйн тулд биеийн дархлаагаа хамгаалах, урьдчилан сэргийлэх нь нэн чухал юм.