БУРГЕР КИНГИЙН ХАРИУ ХААНА БАЙНА ХӨСҮТ-ӨӨ

Энэ сарын 07-ны өдөр Бургер кинг Зайсан салбараар үйлчлүүлсэн нэг гэр бүлийн гурван хүн ХӨСҮТ-д хандаж гэрээр эмчилгээ хийлгэсэн. Гурван иргэнээс гадна маш олон иргэн Зайсан дахь Бургер кингийн салбараар үйлчлүүлж ХӨСҮТ-д хэвтэн эмчлүүлж байгаа. ХӨСҮТ-д тэднийг "Бургер кингийнхэн" гэж нэрлэдэг. Уг нь шинжилгээний хариу өнгөрсөн долоо хоногийн Баасан гарагт гарах ёстой байсан ч өнөөдрийг хүртэл ХӨСҮТ шинжилгээний хариуг дарж хэвтсэн хэвээр байна. ХӨСҮТ-ээс НМХГ шинжилгээний хариугаа мэдээллэж нэгдсэн байдлаар шинжилгээний хариу эцэслэгдэх ёстой.

ХӨСҮТ, НМХГ гэсэн байгууллагууд иргэдэд шинжилгээний хариуг ил мэдээллэж иргэдийг мэдэх эрхээр хангах ёстой. Халдварт өвчнөөс улсынхаа хүн амийг хамгаалах байгууллага Макс группийн Бургер кингийн салбарын шинжилгээний хариуг 72 цагийн дотор бус долоо хоногийн дараа ч нууцалсаар байна. ХӨСҮТ-ийн ийм байдлаас болж иргэд дахин бургер кингийн салбараас халдварт өвчин авахгүй гэсэн баталгаа алга. Бургер кингээс авсан шинжилгээний хариу хаа байна ХӨСҮТ-өө. Хувийн байгууллагын нэр хүндийг хамгаалах бус хүн амынхаа эрүүл мэндийн төлөө тангараг өргөсөн удирдлагатай үгүйг шинжилгээний хариу харуулна.