АТГ: УЛС ТӨР, ХУУЛЬ ХЯНАЛТЫН ХҮРЭЭН ДЭХ АВИЛГА ЦЭЦЭГЛЭХ ШАЛТГААН

АТГ-аас улс төр хууль хяналтын байгууллагын хүрээн дэхь авилгын талаарх төсөөллийн судалгааг 11 дэхь удаагаа гаргажээ. 

2017 он хүртэл улс төр хууль хяналтын байгууллагын хүрээн дэхь авилгын талаарх төсөөллийг нэг судалгааны хүрээнд судалж, нэгтгэсэн  тайланг гаргаж байсан бол 2018 оноос хоёр хүрээг тусад нь авч үзэх болжээ. 

2018 онд улс төрийн хүрээн дэх авилгын түвшин 3,93 пункт гарсан нь өмнөх оны үзүүлэлттэй харьцуулахад 0,06 пунктээр буурсан буюу ач холбогдол өгөх хэмжээнд өөрчлөлт гарсангүй гэж үзжээ. Харин хууль хяналтын байгууллагын хүрээн дэх авилгын түвшин 3,68 пункт гарсан байна.Шинжээчдээс Монголын нийгэмд авилга бүх түвшинд нийгмийн амьдралын бараг бүх хүрээнд нэвтэрч өдөр тутмын хэвийн мэт үзэгдэл болсон гэж гарчээ. Авилгыг хүссэн хүсээгүй хүлээн зөвшөөрсөн өөрөөр хэлбэл дөжирсөн бүх нийтийн уур амьсгал нь улс төрийн болон хууль хяналтын хүрээн дэх авилга цэцэглэх ерөнхий нөхцөлийг үүсгэж байна гэж үзжээ.