СУДАЛГАА: ХЭНТИЙН СОНГУУЛИЙН ӨРСӨЛДӨӨН У.ХҮРЭЛСҮХ, Ж.ОЮУНБААТАР НАРЫН ДУНД ӨРНӨНӨ

Ирэх 6-р сарын 30-нд УИХ-ын 42-р тойрог буюу Хэнтийн нөхөн сонгууль болно. Энэ сонгууль нь ирэх 2020 оны сонгуулийн өнгийг тодорхойлно гэж улс төр судлаачид үзэж байна. Тийм ч учраас улс төрийн намууд ихээхэн ач холбогдол өгч байгаа. Энэ сонгуульд улс төрийн 11 нам оролцохоо СЕХ-д мэдэгдээд байгаа юм. Тэгвэл МЭК судалгааны байгууллага Хэнтийд судалгаа явуулж, дүнгээ нэгтгэжээ. Судалгааны дүнгээс харахад сонгуулийн гол өрсөлдөөн У.Хүрэлсүх, Ж.Оюунбаатар нарын хооронд өрнөх бөгөөд хэрэв Ерөнхий сайд У.Хүрэлсүх сонгуульд оролцохгүй бол МАН-ын аль ч гишүүн “унах” байдалтай дүнг үзүүлснийг МЭК судалгааны байгууллагын захирал Л.Золбаатар хэллээ