ЕРӨНХИЙ САЙДЫН ИВЭЭЛ ДОР ЭМЧ НАРЫН АНХДУГААР ИХ ХУРЛЫГ ЗОХИОН БАЙГУУЛНА

Хэнтий аймгийн эрүүл мэндийн салбарын ажилтнуудтай Ерөнхий сайд У.Хүрэлсүх, Эрүүл мэндийн сайд Д.Сарангэрэл болон холбогдох албаны хүмүүсийн хамтаар уулзалт хийлээ. Энэ үеэр Хэнтий аймгийн эрүүл мэндийн салбарын нийт ажилчид нийгмийн асуудлаа шийдвэрлүүлэх саналыг түлхүү гаргаж байсан юм. Уулзалтын төгсгөлд эмч нарыг шаардлагатай сургалтанд багаар нь хамруулах, мөн эмнэлгийн ажилчдыг орон сууцаар хангах боломжтой гэдгийг салбарын сайд илэрхийллээ. Түүнчлэн ирэх жил эмч нарын анхдугаар их хурлыг Ерөнхий сайдын ивээл дор зохион байгуулахаар боллоо.

Мөн Хэнтий аймгийн төвд сүрьеэгийн эмнэлэг шинээр барихаар шийдвэрлэж, эрүүл мэндийн салбарт нэн шаардлагатай байгаа эмнэлгийн тоног төхөөрөмж, түргэн тусламжийн 2 автомашин гардууллаа.