Д.ДАМБА-ОЧИР РИО ТИНТОТОЙ ЯМАР ХОЛБООТОЙ ВЭ?

Оюутолгойн ажлын хэсгийн дүгнэлт бүрэн гараагүй, гишүүд танилцаж амжаагүй байхад уг дүгнэлтийг Оюутолгойнхонд УИХ-ын Эдийн засгийн байнгын хорооны дарга Д.Дамба-Очир аваачаад өгчихсөн нь ДУУЛИАН тариад байгаа. Д. Дамба-Очир монголын төрийг төлөөлж байгаа УИХ-ын гишүүний хувьд яагаад дотооддоо ярих дүгнэлтийг түрүүлж хувийн компанид өгч “тал засав” гэдэг асуудал. Д. Дамба-Очир нь Оюутолгой компанитай эртнээс бизнесийн харилцаатай. Түүний хувийн “Очир төв ” компани Оюутолгой компаниас зарласан замын тендэрт ч 2 ч удаа оролцон зам барьсан байна. 2014 онд Оюутолгой- Цагаанхад хүртэл баяжмал тээвэрлэх 85 км замын 31 км-ийг нь “Очир төв ” барьж Оюу толгой компанид хүлээлгэн өгчээ. Дараа нь 2015 онд Оюутолгойн баяжмалыг Хятадын хил хүртэл тээвэрлэх Цагаанхад-Гашуунсухайт хүртэл 18 км зам барих тендэрт мөн л Д. Дамба-Очирын “Очир төв” компани шалгаран зам барьж эхэлсэн боловч явц дундаа маргаан үүсч , шүүхэд хандаж байсан түүхтэй. Тэрээр хөрөнгө орлогын мэдүүлэгтээ “Очир төв” компанийг 100 хувь эзэмшдэг хэмээн мэдүүлжээ Эндээс Д.Дамба-Очир нь эртнээс Оюутолгой компанитай бизнесийн харилцаатай. Ашиг сонирхолын зөрчилтэй байсан нь харагдаж байна. Ийм хүнээр УИХ-ын эдийн засгийн байнгын хороог удирдуулаад тэр нь ажлын хэсгийн материалыг түншдээ аваачиж өгч тал засчээ.Монголын төрийн ажил нэг иймэрхүү.

Б.Отгон