СЭТГҮҮЛЧТЭЙ ЯСАА ЦАЙТАЛ ЗАРГАЛДАХАА А.ЦЭРЭНСОДНОМ ПРОКУРОР ИЛЭРХИЙЛЛЭЭ

Монгол Улсын Ерөнхийлөгчийн зүгээс Улсын Ерөнхий прокурорын орлогчоор А.Цэрэнсодномыг томилуулахаар санал болгосон. Тухайн үед А.Цэрэнсодном нь бусдыг дарамталж буй утасны ярианы бичлэг нийтэд дэлгэгдэж, АТГ-т шалгагдаж байсан баримтууд ил болов. Тиймээс Монгол Улсын Ерөнхийлөгч Х.Баттулга А.Цэрэнсодномын нэрийг татсан билээ. УЕП-ын орлогч гэх албан тушаалын суудлын ирмэгт дөхсөн А.Цэрэнсодном нь өнөөдөр Сүхбаатар дүүргийн ахлах прокуророор ажилладаг билээ.  Түүний гэр бүлийн хүн мөн л прокурорт  албан тушаал хашдаг. Тэрээр өөрийнх нь талаар бичсэн манай сайтын сэтгүүлч Н.Өнөрцэцэгийг цагдаагийн байгууллагад шалгуулахаар өгсөн. Энэ дагуу өчигдрөөс сэтгүүлч Н.Өнөрцэцэгт  Цагдаагийн ерөнхий газар зөрчлийн хэрэг нээгээд шалгаж байгаа билээ. А.Цэрэнсодном нь гүтгэгдсэн гэж гомдол гаргасан байна. Тэрээр өөрийнхөө фэйсбүүк хуудсаар сэтгүүлчтэй ясаа цайтал заргалдана гэдгээ илэрхийллээ.

 А.Цэрэнсодном нь бага насны хүүхдийг хүчирхийлдэг гэх хэрэгт холбогдон шалгагдаж байсан Наранхүү гэж этгээдэд аавынхаа хөөргийг, дүүгийнхээ ланд 200 маркийн авто машиныг туслах зорилготой өгсөн. Энэ өглөгөө авч чадахгүй байсан учир “хохино шүү, 461-р  хорих ангируу ачина гэсэн яриа өрнөсөн нь үнэн” гэж манай сайтад өмнө нь мэдээлсэн байдаг. Эрүүгийн хүнд гэмт хэрэгтэнд хуулийн байгууллагын прокурор хүн яагаад ийнхүү туслах болов, ямар мөнгөний холбоо байв гэдгийг шалгах нь зүйтэй болов уу?