БУРГЕР КИНГД ХООЛ ИДСЭН ГУРВАН ИРГЭН ХОРДЖЭЭ

Манай редакцид нэрээ нууцалсан нэгэн хүн хүүхэдтэйгээ зайсангийн "бургер кинг"-д хоол идээд хордчихлоо гэж хандсан юм.

Бид мэдээлллийн дагуу ХӨСҮТ-ийн хэвлэл мэдээллийн ажилтан Г.Энхбаатараас тодруулахад тийм зүйл болсон нь үнэн өчигдөр оройноос эхлээд бургер кингд хоол идээд хордсон гэх хүмүүс манайд хандаад эмчлүүлж байгаа. Хичнээн хүн хэвтэн эмчлүүлж байгааг одоогоор хэлэх боломжгүй, тоог эцсийн байдлаар гаргаагүй байна гэсэн мэдээллийг өглөө.

Албаны эх сурвалжийн мэдээллээр бургер кингийн хоолонд гурван хүн хордож ХӨСҮТ-д хэвтэн эмчлүүлж байгаа гэсэн мэдээллийг өгч байна. Дөнгөж сая НМХГ-т мэдээлэл ирсэн бөгөөд Бургер Кингд шалгалтын ажиллагаа явуулахаар НМХГ-аас байцаагчид ажиллаж эхэлжээ. Хордсон гурван иргэнээс шинжилгээ авсан бөгөөд юунаас хордсон нь шинжилгээний хариугаар ил болно. Шинжилгээний хариу үдээс хойш гарах юм байна. Бид мэдээллийг шууд хүргэх болно.