ИНЕГ-ЫН ХАМТ ОЛОН ЭНХҮҮЛЭЭД 2.915.000 ТӨГРӨГИЙН ХАНДИВ ӨГЛӨӨ

Иргэний нисэхийн ерөнхий газрын хамт олон дарга Л.Бямбасүрэнгийн санаачлагаар Энхүүлээг орон байртай болгох хандивын аянд нэгдэж 2.915.000 төгрөгийн хандив өглөө. Зариг.мн сайтаас зохион байгуулж байгаа Энхүүлээг орон байртай болгох хандивын аян өнөөдөр дуусах юм. Энхүүлээг орон байртай болгохоор зорин, олон түмний хандивыг цуглуулсан нь үр дүнд хүрч, хүү өөрийн гэсэн орон гэртэй болохоор боллоо. Энэхүү сайн үйлсийн аянд ИНЕГ-ын хамт олон дарга У.Бямбасүрэнгийн санаачлагаар нэгдэж 2.915.000 төгрөгийн хандивыг хамт олон дундаасаа цуглуулсан бөгөөд 94 жилийн ойгоо угтаж байгаа тус газраас өмнө нь бяцхан охидоо дагуулан Толгойтын өртөөнд хоног төөрүүлж байсан Г.Цагаандарийг гэр оронтой болгох аянд мөн тусалсан бөгөөд Г.Цагаандарийг ИНЕГ-т ажилд авсан юм