ХАНДИВЫН АЯН ӨНӨӨДӨР ДУУСНА

“Энхүүлээг орон гэртэй болгох” хандивын аян өнөөдөр дуусна. Яг одоогийн байдлаар эмээгийн дансанд 16. 383. 466, ээжийн Хаан банкны дансанд 37.105.730 төгрөг, ХХБ-ны дансанд 15.840.764, бэлэн 3.525.000 нийт 72. 854.960 цуглараад байна. Энхүүлээ хүү өнгөрсөн сар гаруйн хугацаанд 9 удаагийн хагалгаанд орсон, биеийн байдал сайнгүй байгаа. Тиймээс урт хугацааны эмчилгээ, асаргаа хэрэгтэйг эмч зөвлөсөн. Тийм ч учраас манай редакцийн зүгээс Энхүүлээг орон байртай болгохоор зорин, олон түмний хандивыг цуглуулсан нь үр дүнд хүрч, хүү өөрийн гэсэн орон гэртэй болохоор боллоо. Мөн өнөөдөр Энхүүлээ “Хүүхдийн төв сувилал”-аас гарч, эмээгийнхээ гэрт очно. Тиймээс Энхүүлээгийн байрыг сонгон, худалдан авахаар бид судалгаа хийж, хайж байна. Мөн Энхүүлээ, Мөнхүүлээ, түүний ээжид урт хугацаанд тогтмол сэтгэлзүйн зөвлөгөө өгөх сэтгэлзүйчтэй хамтран ажиллахаар болоод байна.