М.ЭНХБОЛД: АН-ЫНХАА ДОТООД ХЭРҮҮЛД МИНИЙ НЭРИЙГ ОРОЛЦУУЛАХГҮЙ БАЙХЫГ ХҮСЬЕ

АН-ын дарга асан Н.Алтанхуяг өчигдөр мэдээлэл хийж, "МАН-ын дарга асан М.Энхболдын хэрэгжүүлсэн, хэрэгжүүлэх гэж байсан "60 тэрбум"-ын системийг АН хэрэгжүүлэх гэж байна. Ж.Батзандан, Л.Болд хоёрыг С.Эрдэнэ намаасаа хөөсөн нь Ц.Элбэгдорж, М.Энхболд, С.Эрдэнэ гуравт ашигтай" хэмээгээд Ц.Элбэгдорж, М.Энхболд нарт хариуцлага тооцохыг Ерөнхийлөгч, УИХ-ын дарга, Ерөнхий сайд нарт шаардсан.

Энэ мэдээлэлтэй холбогдуулан УИХ-ын дарга асан М.Энхболд Ерөнхий сайд асан Н.Алтанхуягт хандан тайлбар хийжээ. Тэрбээр " Би Монголын улс төрийн хүчнүүдэд хүндэтгэлтэй хандаж ирсэн. Аль нэг намын дотоод хэрэгт оролцож байсан удаа байхгүй. Танай намын дарга бүх гишүүдийнхээ олонхийн саналыг авч, албан ёсны мэдээ гарсны дараа УИХ-ын гишүүн С.Эрдэнэд баяр хүргэсэн нь үнэн. УИХ-д суудалтай намын даргаар нэг гишүүн нь сонгогдоод байхад баяр хүргэх нь УИХ-ын даргын хувьд хийх л ёстой ажил.

Хариуцлагагүй мэдэгдлээ залруулж, намынхаа дотоод хэрүүлд миний нэрийг оролцуулахгүй байхыг хүсье" гэсэн байна