ЗАРИМ АЛБАН ТУШААЛТНЫ ЦАЛИНГИЙН ХЭМЖЭЭГ ТОГТООХ АСУУДЛЫГ ХЭЛЭЛЦЭНЭ

Өнөөдөр байнгын хороод болон дэд хорооны хуралдаантай. Тодруулбал, хоёр байнгын хороо болон нэг дэд хороо хуралдаж, зарим албан тушаалтны цалингийн хэмжээг тогтоох асуудлыг хэлэлцэж, Монгол Улсын эдийн засаг, нийгмийг 2018 онд хөгжүүлэх үндсэн чиглэлийн биелэлтийн тайлан, Монгол Улсын Их Хурлын 2018 оны 73 дугаар тогтоолын биелэлтийн тайланг сонсох юм.

Мөн өнөөдөр 11.00 цагаас Хүний эрхийн дэд хороо Хүний эрхийн үндэсний комиссын 18 дахь илтгэлийг сонсоно.

1.Эдийн засгийн байнгын хорооны хуралдаан 10.00 цагаас "Их Эзэн Чингис хаан" танхимд:

Хэлэлцэх асуудал:

• "Монгол Улсын эдийн засаг, нийгмийг 2018 онд хөгжүүлэх үндсэн чиглэл"-ийн биелэлтийн тайлан
• Монгол Улсын Их Хурлын 2018 оны 73 дугаар тогтоолын биелэлтийн тайланг сонсох.

2.Хүний эрхийн дэд хорооны хуралдаан 11.00 цагаас "В" танхимд:

• Монгол Улс дахь хүний эрх, эрх чөлөөний байдлын талаарх Хүний эрхийн Үндэсний Комиссын 18 дахь илтгэл.

3.Төрийн байгуулалтын байнгын хорооны хуралдаан 14.00 цагаас "Жанжин Д.Сүхбаатар" танхимд:

Хэлэлцэх асуудал:

• "Цалингийн хэмжээ тогтоох итгэлцүүр батлах тухай" Улсын Их Хурлын тогтоолын төсөл /Засгийн газар 2019.04.09-ний өдөр өргөн мэдүүлсэн, хэлэлцэх эсэх/
• "Зарим албан тушаалтны цалингийн хэмжээ тогтоох тухай" Улсын Их Хурлын тогтоолын төсөл /Засгийн газар 2019.04.09-ний өдөр өргөн мэдүүлсэн, хэлэлцэх эсэх/
• Бусад.

ХЭЛЭЛЦҮҮЛЭГ:

• Хадгаламж зээлийн хоршоодод үүссэн нөхцөл байдлын талаар ирүүлсэн өргөдлийн дагуу холбогдох албан тушаалтнаас тайлбар, мэдээлэл авах Өргөдлийн байнгын хорооны хэлэлцүүлэг 10.00 цагаас "Жанжин Д.Сүхбаатар" танхимд