100 АЙЛ ОРЧИМД ХҮН БУУДУУЛСАН ХЭРЭГ ГАРЛАА

Өнөөдөр өглөөний үүрийн 5 цаг орчимд 100 айлын автобусны буудлын баруун талд байрлах "Нарлаг" цайны газрын хажууд хүн буудсан хэрэг гарчээ.Тодруулбал, 100 айл орчимд хүн нас барлаа гэх дуудлага мэдээлэл Шуурхай удирдлагын төвд өглөө 07:00 цагт ирсэн. Одоогоор тус газрыг цагдаагийн хамгаалалтад аваад, хэргийн газрын үзлэг явагдаж байна. Эх сурвалжийн мэдээлснээр амь хохирогч нь 30-40 орчим настай эрэгтэй байсан бөгөөд талийгаачийг духан тус газарт нь буудаж хөнөөсөн аж.

Хэргийн газарт ЦЕГ-ын Мөрдөн байцаах албаны Онц хүнд гэмт хэрэгтэй тэмцэх тасгийн мөрдөгчид Сүхбаатар дүүргийн цагдаагийн хоёрдугаар хэлтсийн жижүүрийн бүрэлдэхүүн үзлэг шалгалт хийж, нотлох баримтуудыг бэхжүүлэн авч байна.