САРЫН 35 САЯ ТӨГРӨГИЙН ЦАЛИНТАЙ ТӨК-ИЙН ЗАХИРАЛ

Төрийн өмчийн "Монголросцветмет" компанийн захирлаар Б.Мөнхбат ажилладаг. Тэрбээр тус компанийн Бор-Өндөр дэх уулын баяжуулах үйлдвэрийн захирлаар ажиллаж байхдаа буюу 2010 онд төрийн мөнгө шамшигдуулсан хэргээр ажлаасаа чөлөөлөгдөж байсан нэгэн. Энэ үедээ компанийн тамга тэмдэг мөн захирлын өрөөнд байсан 2 хаалгатай том хөргөгчийг хулгайлан зугтаж байсан талаар ажилтнууд нь ярьдаг. Ийм түүхтэй хүн тус компанийн захирлаар эргэн ирсэн нь ар талд нь томоохон улс төрч бий гэдэг. Төсвийн мөнгө уйлдаггүйг Б.Мөнхбат захирал цалин хангамжаараа нотолдог. Түүний сарын үндсэн цалин нь 1.5 сая төгрөг. Гэтэл түүний үндсэн цалин дээрээ авдаг шагналт цалин нь сар бүр 8000 ам доллар хүртдэг. Энэ нь ойролцоогоор 23 сая 500 000 төгрөг гэдгийг эх сурвалжууд мэдээлж байна. Энэ их цалин мөнгөнийхөө дээр байр орон сууцгүй хэмээн байр түрээслэх зардал зэрэг бусад хангамжийг үндсэн цалин дээрээ нэмж сард 35.000.000 төгрөгийн цалин авсаар даруй 5 дахь сартайгаа золгож байгаа аж.

Түүнчлэн Б.Мөнхбат захирал төрийн мөнгөөр автомашинаа сэлгэхээр зэхч буй, төрөл төрөгсдөө ТӨК-ийн нөлөө бүхий албанд "шахсан" зэрэг баримтуудыг үргэлжлүүлэн хүргэх болно.