ТАГНУУЛЫН АЖИЛТАН Ү.ОТГОНБАЯР С.ЗОРИГИЙН ХЭРГЭЭР ЦАГДАН ХОРИГДЖЭЭ

С.Зориг агсныг хөнөөсөн хэргээр хоригдож буй Т.Чимгээ, Б.Содномдаржаа нарыг эмнэлэгт хэвтүүлжээ. Эдгээр хүмүүсийг хэлмэгдүүлж хорьсон гэж үзээд Хууль зүй дотоод хэргийн сайд Ц.Нямдорж тэдний ар гэрийнхнээс уучлалт гуйв. С.Зориг агсны хэрэг задарсан, энэ хэрэг дээр ажиллаж байсан Ү.Отгонбаярыг цагдан хорьсон байна. Ү.Отгонбаяр нь Тагнуулын ерөнхий газарт ажиллаж байгаад гүйцэтгэх ажиллагааны хэлтсийн даргаар ажиллаж байжээ

Тэгвэл тагнуулын хүн яагаад шийдвэр гүйцэтгэлд ажиллаж байсан бэ? Тэр хүн хэн байв?

Эх сурвалжийн мэдээллээр Тагнуулын ерөнхий газраас Шүүхийн шийдвэр ерөнхий газарт очсон хүн бол Ү. Отгонбаяр гэдэг хүн юм байна. Ү.Отгонбаяр нь ШШЕГ-т хурган даргын алба хашиж байжээ.

Энэ хүний талаар ХЗДХ-ийн сайд Ц.Нямдорж "Цензургүй ярилцлага" нэвтрүүлэгт оролцох үеэрээ "Үржнээгийн Отгонбаяр гэдэг хүн бол Шүүхийн шийдвэр гүйцэтгэх байгууллагын ажилтан биш. Би өөрөө хатуу зарчимтай хүн. Шүүхийн шийдвэрийн удирдлагад шүүхийн шийдвэрт ажиллаж байсан хүн л ажиллах ёстой. Энд тэндээс авчирч тавих нь миний зарчим биш. Ү.Отгонбаяр гэдэг хүн бол ахлах дэслэгч цолтой, тагнуул байсан хүн шууд шүүхийн шийдвэрт ирээд дэд хурандаа болсон. Шүүхийн шийдвэрийн гүйцэтгэх ажилд хяналт тавьдаг хэлтэс гэж бий. Шүүхийн шийдвэрт насаараа ажилласан өчнөөн хүн байна. Яагаад тэднээр ажлыг нь хийлгэж болдоггүй юм бэ? Систем шударга байх ёстой" хэмээжээ.