ЦЭВЭРЛЭХ БАЙГУУЛАМЖИД АМИА АЛДСАН ИРГЭДИЙН АР ГЭРТ ХОЁР ӨРӨӨ БАЙР ОЛГОХООР БОЛЖЭЭ

Өнгөрсөн долоо хоногийн мягмар гарагт Төв цэвэрлэх байгууламжид осол гарч дөрвөн иргэн амиа алдсан. Ажил үүргээ гүйцэтгэж байгаад амиа алдсан ажилтнуудын ар гэрт хоёр өрөө байр, 36 сарын цалингийн нөхөн олговор олгох шийдвэр гарсан талаар Нийслэлийн Засаг дарга С.Амарсайхан мэдээллээ.Мөн эдгээр ажилтнуудын хүүхдүүдийг ерөнхий боловсролын сургууль төгсөх хүртэл хугацаанд дүрэмт хувцас, хичээлийн хэрэгслээр хангахаас гадна дээд болон мэргэжлийн сургуульд сурах насны хүүхдүүдэд тэтгэлэгт хөтөлбөрт хамруулахаар болсон байна.

Төв цэвэрлэх байгууламжийн ослын улмаас нялх биетэй, бие давхар эхнэрүүд, бага насны хүүхдүүд өнчрөн үлдсэн. Осол гарсан газарт өнгөрсөн жил 8.1 тэрбум төгрөгөөр засвар хийсэн. Тэр нь чанаргүй болсон тул осол гарсан гэдгийг хэлж байна