ЦАГДААГИЙН ҮНЭМЛЭХ ХУУРАМЧААР ҮЙЛДЭН ЗАЛИЛАН ХИЙСЭН ЭТГЭЭДҮҮДИЙГ СААТУУЛЖЭЭ

Баянзүрх дүүрэг дэх цагдаагийн хоёрдугаар хэлтсийн алба хаагчид цагдаагийн алба хаагчийн албаны үнэмлэх болон энгэрийн тэмдэг хуурамчаар үйлдэн ашиглаж, иргэдийг хууран мэхэлж байсан "А" гэгч этгээдийг саатуулан шалгаж байна. Сэжигтэн А-г хэрэгт холбогдуулан шалгахад гурван найзын хамт уг хэргийг үйлдсэн нь тогтоогдсон бөгөөд эдгээр этгээдүүд нь гадуур явахдаа цагдаагийн алба хаагчийн дүрэмт хувцастай, үнэмлэхтэй, энгэрийн тэмдэгтэй ихэвчлэн шөнийн цагаар залилан мэхлэх гэмт хэрэг үйлддэг байсан аж.Мөрдөн шалгах ажиллагааны явцад сэжигтэн А нь 2015 оноос хойш, гэмт хэргийн хамтран оролцогч бусад этгээдүүд 2017 оноос хойш цагдаагийн алба хаагчийн хувцас хэрэглэлийн ашиглан гэмт хэрэг үйлддэг байсан нь тогтоогджээ