УЛСЫН ЕРӨНХИЙ ПРОКУРОРЫН ОРЛОГЧООР С.АЛИМАНЦЭЦЭГ ЯРИГДАЖ ЭХЭЛЛЭЭ

Б.Жаргалсайханыг Монгол Улсын Ерөнхий прокуророор томилохыг УИХ-аас дэмжсэн. Харин одоо түүнийг Монгол Улсын Ерөнхийлөгч зарлиг гарган үүрэгт ажилд нь томилох учиртай. Хуулийн дагуу Ерөнхий прокурор Б.Жаргалсайхан орлогч прокуророор хэнийг томилох вэ гэдэг санал гаргаж Монгол Улсын Ерөнхийлөгчтэй зөвшилцөх ёстой юм. Харин Монгол Улсын Ерөнхийлөгч Х.Баттулгын зүгээс А.Цэрэнсодном гэх нөхрийг томилох санал гаргасан ч өнөөх нь үл бүтэх прокурор байсан учир Ерөнхийлөгчийн тамгын газар түүний нэрийг буцааж татсан. Харин одоо Үндэсний аюулгүй байдлын зөвлөлийн Нарийн бичгийн дарга А.Гансүхийн гарын хүн, Чингэлтэй дүүргийн зөрчлийн прокурор С.Алиманцэцэгийг УЕП-ын орлогчид дэвшүүлэхээр тохирчээ.

Содонгийн Алиманцэцэг нь А.Гансүхийг Зам тээврийн сайдаар ажиллаж байх үед "Иргэний нисэхийн ерөнхий газар"-т хуулийн хэлтсийн даргаар ажиллаж байжээ. Харин тэрээр 2018 онд Монгол Улсын Ерөнхийлөгчийн зарлигаар Алтан гадас одонгоор шагнуулж байсан нэгэн.

С.Алиманцэцэг нь ҮАБЗ-ийн нарийн бичгийн дарга А.Гансүхтэй нэг анги гэдгээрээ нөхөрлөдөг бололтой юм.