УИХ-ЫН ЧУУЛГАНЫГ НЭЭЖ, ЕРӨНХИЙ ПРОКУРОРЫН ТОМИЛГООГ ХЭЛЭЛЦЭНЭ

УИХ-ын хаврын нэгдсэн чуулган өнөөдөр 10.00 цагт нээлтээ хийнэ. УИХ-ын тухай хаврын ээлжит чуулган дөрөвдүгээр сарын 5-ны өдрөөс мөн оны долдугаар сарын 1-ний хооронд хуралдахаар заасан байдаг. Энэ дагуу өнөөдр хаврын чуулганы үйл ажиллагааг эхлүүлнэ.

УИХ-ын даргын дэргэдэх зөвлөлийн хурлаад батласан хуваарийн дагуу өнөөдөр дараах асуудлуудыг хэлэлцэн шийдвэрлэхээр товлосон байна.

УЛСЫН ИХ ХУРАЛ ДАХЬ НАМЫН БҮЛГИЙН ХУРАЛДААН
11.00 цагаас:

- Улсын Их Хурал дахь Монгол Ардын намын бүлгийн хуралдаан "Жанжин Д.Сүхбаатар" танхимд;
- Улсын Их Хурал дахь Ардчилсан намын бүлгийн хуралдаан "Их Эзэн Чингис хаан" танхимд.

БАЙНГЫН ХОРООНЫ ХУРАЛДААН:

1.Хууль зүйн байнгын хорооны хуралдаан 13.00 цагаас "Их Эзэн Чингис хаан" танхимд:
Хэлэлцэх асуудал:
- Монгол Улсын Ерөнхийлөгчөөс ирүүлсэн Монгол Улсын ерөнхий прокурорыг томилох саналыг зөвшилцөх тухай асуудал.

ЧУУЛГАНЫ НЭГДСЭН ХУРАЛДААН:

15.00 цагаас:

- Монгол Улсын Ерөнхийлөгчөөс ирүүлсэн Монгол Улсын ерөнхий прокурорыг томилох саналыг зөвшилцөх тухай асуудал.