УЛСЫН ЕРӨНХИЙ ПРОКУРОРТ Ш.ЭРДЭНЭБИЛЭГ, Б.ЖАРГАЛСАЙХАН НАР ЯРИГДАЖ БАЙНА

Монгол Улсын Ерөнхийлөгч Х.Баттулга зарлиг гаргаж Улсын ерөнхий прокурор М.Энх-Амгалан, орлогч прокурор Г.Эрдэнэбат нарыг үүрэгт ажлаас нь чөлөөлсөн.

Өнөөдрийн байдлаар Улсын Ерөнхий прокурорыг шинээр томилогдох хүртэл хугацаанд түүний бүрэн эрхийг хэрэгжүүлж байхыг Монгол Улсын Ерөнхий прокурорын орлогч Баяраагийн Амгаланбаатарт даалгаад байгаа юм.

Тэгвэл Улсын ерөнхий прокурорын албан тушаалд очиж магадгүй хүмүүсийн нэр дуулдаж эхэллээ.

Эх сурвалжаас авсан мэдээллээр СХД-ийн прокурорын газрын ерөнхий прокурор, хууль цаазын шадар зөвлөх Ш. Эрдэнэбилэг болон Улсын ерөнхий прокурорын туслах прокурор, зөрчил шалган шийдвэрлэх ажиллагаанд хяналт тавих хэлтсийн дарга, хууль цаазын тэргүүн зөвлөх Б.Жаргалсайхан нарын нэрс яригдаж байна.