УИХ-ЫН ГИШҮҮН АСАН М.БАТЧИМЭГИЙН ЗӨВЛӨХ З.ПАГМАЖАВЫН ЯЛЫГ ДЭЭД ШҮҮХ ХЭВЭЭР ҮЛДЭЭЖЭЭ

Улсын Дээд шүүхийн хяналтын шатны эрүүгийн хэргийн шүүх хуралдаанаар гадаадын тагнуулын албатай хамтран ажилласан гэх З.Пагмажавд оногдуулсан 8 жилийн хорих ялыг хэвээр үлдээв.

УИХ-ын гишүүн асан М.Батчимэгийн зөвлөхөөр ажиллаж байсан З.Пагмажавд холбогдох эрүүгийн хэргийг шүүгдэгч болон түүний өмгөөлөгчийн гаргасан гомдлыг хянан хэлэлцээд, анхан болон давж заалдах шатны шүүхийн шийдвэрийг ийнхүү хэвээр үлдээлээ. Анхан болон давж заалдах шатны шүүх З.Пагмажавыг гадаадын тагнуулын албатай хамтран ажилласан гэмт хэрэг үйлдсэн гэм буруутайд тооцож, Эрүүгийн хуулийн 19.4 дүгээр зүйлийн 1 дэх хэсэгт зааснаар 8 жил хорих ял оногдуулаад байсан юм.

Улсын Дээд шүүх З.Пагмажавд Тайваньд Монгол Улсын нууцтай холбоотой мэдээллийг орчуулан хүргэж, тагнуул хийж байсан хэрэгт буруутгасан юм.

УИХ-ын гишүүн М.Батчимэгийн зөвлөх З.Пагмажавыг улсын нууц задруулсан хэрэгт буруутган шүүхээс 16 жилийн ял оноосон. Тэрбээр Монгол улсын нууцтай холбоотой мэдээллийг Тайванийн талд зардуулсан гэж буй. Тэгвэл З.Пагмажав гэж хэн бэ? Энэ талаарх мэдээллийг доорхоос харна уу.

Товч намтар:

- Зангиржав овогтой Пагмажав Увс аймгийн харьяат.

- 1984-1994 Улаангом хотын 10 жилийн 2-р сургууль

- 1995-1999 МУБИС-ийн Дорно дахины тэнхмийн хятад хэлний факультетийг хятад хэлний багш, орчуулагч

- 1999-2000 Монгол Улсын Үндэсний аюулгүй байдлын зөвлөл, Стратегийн судалгааны хүрээлэнгийн Олон улсын аюулгүй байдал судлалын төвийн эрдэм шинжилгээний ажилтан, шинжээч, судлаач, төвийн дарга

- 2000-2001 онд Тайванийн Улс төрийн их сургуулийн Зүүн Ази судлалын хүрээлэнд мэргэжил дээшлүүлсэн 2005-2008 онд Бээжингийн Ардын их сургуулийн олон улсын харилцааны сургуульд Олон улсын харилцааны магистр, Хятад судлаач,

- Нөхөр, хоёр хүүхэдтэй

Түүнийг Тайваний тагнуулын байгууллагад ажиллаж байсныг мөрдөн байцаалтын явцад тогтоосон гэдэг үндэслэлээр ял оноосон талаар эх сурвалж мэдээлж байгаа юм.