БОЛОВСРОЛЫН САНГААС ЗЭЭЛ АВСАН ГИШҮҮД, ТЭДГЭЭРИЙН ХАМААРАЛ БҮХИЙ ХҮМҮҮСИЙГ НЭРЛЭЖ БАЙНА

Албан мэдээллээс харахад Боловсролын зээлийн сан 1993 онд "Сургалтын төрийн сан" нэртэйгээр байгуулагдаж байжээ. Нийт авлага нь 2016 онд өмнөх оноос 19.6 тэрбум төгрөгөөр буюу 17.5 хувиар, 2017 онд 18.6 тэрбум төгрөгөөр буюу 14.2 хувиар тус тус өссөн байна.

Олон нийтийн мэдээллийн хэрэгслээр зарласан тус сангаас зээл аваад сураггүй болсон 179 хүнийг харахад ч16-48 мянган ам.долларын зээл аваад эргүүлж төлөөгүй тэдгээр хүмүүсийн олонх нь улстөрч, бизнесийн томчууд эсвэл хүүхэд нь байх юм.

Өнгөрсөн хугацаанд Боловсролын Зээлийн Сангаас 1,860 орчим хүн гадаадад сурах ЗЭЭЛ авсан байдаг байна. 179 нь ор сураггүй зээлээ төлөөгүй байгаа бөгөөд $4.5 сая авлага одоог хүртэл тодорхойгүй байгаа юм.

Эдгээр хүмүүс дунд яг одоо парламентад сууж байгаа эрхэм гишүүдийн хамаарал бүхий этгээдүүд байна.

Барилга хот байгуулалтын сайд Х.Баделханы хүүхдүүд Арна, Галия:

• 2003 онд АНУ-ын Де Врай их сургуульд суралцахаар 32,000 ам.долларын зээл авсан ч төлөөгүй
• 2004 онд Английн худалдааны их сургуульд суралцахаар 32,000 ам.долларын зээл

УИХ-ын гишүүн, Хууль зүйн сайд Ц.Нямдоржийн хүү Н.Анхбаяр:

• 2004 онд 34,000 ам.долларын зээлийг боловсролын сангаас авч шинэ зеланд улсад Виктория их сургуульд суралцсан ч өнөөдрийг хүртэл зээлээ төлөөгүй

УИХ-ын гишүүн Д.Лүндээжанцангийн хүү Л.Мөнхдэмбэрэл:

• 2009 онд 32,000 ам.долларын тэтгэлэг авч япон улсад Ази номхон далайн их сургуульд суралцсан

Шадар сайд Ө.Энхтүвшингийн хүү Э.Золбоо:

2006 онд АНУ-ын Индианагийн их сургуульд суралцахаар 16,000 ам.долларын зээл