Ц.ЭЛБЭГДОРЖИЙН АЖЛЫН ӨРӨӨНД ҮЗЛЭГ ХИЙЖ УРАН ЗУРГУУДЫГ ХУРААН АВЛАА

Монгол Улсын Ерөнхийлөгч Х.Баттулгын прокурорын байгууллагад өгсөн 178 хуудас нотлох баримтыг шалгуулахаар Нийслэлийн прокурорын газраас Авлигатай тэмцэх газар /АТГ/-т хүргүүлсэн.

Ерөнхийлөгч асан Ц.Элбэгдоржийг 2019.02.22-ны өдөр Авлигатай тэмцэх газраас дуудаж "Таван Толгойн асуудлаар гэрчийн мэдүүлэг авсан.

08 цаг 30 минут:

Өчигдөр буюу 2019.03.19-ний орой эрүүгийн цагдаагийн албанаас түүний ажлын өрөөнд нэгжлэг хийсэн байна.

Тэрээр нэгжлэг хийх явцад 1000 орчим уран зураг түүний өрөөнд байсан байна. Тэдгээрийн 30 гаруй нь дэлхийн болон монголын үнэт уран зураг байсан бөгөөд зарим нь монголын уран зургийн галерейгаас алдагдсан байж болзошгүй зургууд байсан байна.

Эх сурвалжийн мэдээлснээр эдгээр алдагдсан байж болзошгүй зургуудыг ерөнхийлөгч асан Ц.Элбэгдорж яаж, ямар арга замаар олж авсан эсэхийг цагдаагийн байгууллагаас шалгаж тогтоох юм байна.

10 цаг 30 минут:

Харин хуулийн байгууллагаас өрөөнд нэгжлэг хийсэн эсэх талаар Ерөнхийлөгч асан Ц.Элбэгдорж өөрийн твиттер хаягаараа дамжуулан мэдэгдэл хийсэн байна. Тэрээр "Женко технолог.Таван толгойд бүрдүүлсэн цаас нь болохоо байсан уу!Эсвэл 10 хоногийн өмнө төрд шахсан 280 сая $-ын шороо нь олны анхааралд орох гээд байна уу. ШХАБ-д гишүүнээр элсэх санаархал нь бүтэхээ байсан уу.Миний өрөөнд нэгжлэг болоогүй.Би зураг цуглуулдаг,зураг хулгайлдаггүй" гэжээ.

11 цаг 00 минут:

Мөн зарим эх сурвалжийн мэдээлж буйгаар Ерөнхийлөгч асан Ц.Элбэгдоржийн эхнэр Х.Болормаагийн дүү Х.Болдбаатарынд өчигдөр ЭЦГ-ын алба хаагчид нэгжлэг хийсэн. Гэрээс нь Их тэнгэрээс алга болсон зургуудыг хураан авсан гэсэн мэдээлэл ч байгаа юм.

14 цаг 28 минут:

Ерөнхийлөгч асан Ц.Элбэгдоржийн "Эби галларей"-д өчигдөр ЭЦА-ны алба хаагчид нэгжлэг хийж, 9 зураг хураан авсан байна. Тус зургууд дотор Их тэнгэрээс алга болсон зураг байсан тухай эх сурвалжууд мэдээллэсэн.

Тэгвэл Хан-Уул дүүргийн цагдаагийн хэлтэс "Их тэнгэр"-ээс уран зураг алга болж, хулгайд алдагдсан хэргийг шалгаж байгаа юм байна. Хан-Уул дүүргийн прокурорын газраас уг хэргийг хянаж байгаа гэдгийг албаны эх сурвалжаас мэдээллээ.

Зарим эх сурвалж түүнийг 11 дүгээр хороолол дахь оффисоо нүүлгэж Дүнжингарав хорооллын тэндэх Чухаг-2 хороололд байгуулсан гэх мэдээллийг өгч байна. Харин Өдрийн сонин ард Ц.Элбэгдоржийн гэх галерей байж болзошгүй байна.