УИХ-ЫН ЭМЭГТЭЙ ГИШҮҮД Д.МУРАТ, Д.ГАНТУЛГЫН АСУУДЛААР ЕРӨНХИЙЛӨГЧИД ХАНДАНА

УИХ-ын чуулганы өнгөрсөн баасан гаригийн нэгдсэн хуралдаанаар Д.Гантулга, Д.Мурат нарын бүрэн эрхийг түдгэлзүүлэх тухай Улсын Ерөнхий прокурорын саналыг хэлэлцсэн. Ингэхдээ гишүүдийн бүрэн эрхийг түдгэлзүүлэх шаардлагагүй гэж үзсэн юм. Энэ талаар УИХ-ын гишүүн Д.Оюунхоролын байр суурийг тодрууллаа.Тэрбээр "УИХ энэ шийдвэрээсээ ичих хэрэгтэй. Эмэгтэй гишүүдийн бүлэг УИХ-ын энэ шийдвэрт хориг тавиулах саналыг Ерөнхийлөгчид хүргүүлнэ. УИХ-ын гишүүн өөрөө оролцож, санал өгөх нь ёс суртахуунгүй асуудал. МАН-ын бүлэг энэ асуудлыг дахин хэлэлцэхээр болж байна" хэмээн ярилаа.