АН-ЫН БҮЛЭГ ЗАВСАРЛАГА АВЛАА

УИХ-ын Эдийн засгийн байнгын хорооны өнөөдрийн хуралдаанаар "Төрийн өмчийг 2018-2020 онд хувьчлах үндсэн чиглэл батлах тухай" Улсын Их Хурлын тогтоолын төсөл /Засгийн газар 2018.05.29-ний өдөр өргөн мэдүүлсэн, төслийн үзэл баримтлалыг хэлэлцэх эсэх/-ээр төлөвлөөд байсан.

Уг асуудлыг хэлэлцэх үеэр УИХ дахь АН-ын бүлгийн дарга Д.Эрдэнэбат ирэх даваа гарчигт өмч хувьчлалын асуудлыг бүлгээрээ хэлэлцэж, холбогдох албаны хүмүүсээс мэдээлэл авах шаардлагатай байгаагаа уламжилж ажлын тав хоногийн завсарлага авахыг хүссэн юм. Энэ дагуу Эдийн засгийн байнгын хороо өмч хувьчлалын асуудлыг ирэх долоо хоногт хэлэлцэхээр болж хойшлууллаа.

Засгийн газраас орон нутгийн өмчит 20 АЗЗА компани болон МИАТ, Төрийн банк, Монголын хөрөнгийн бирж тэргүүтэй долоон томоохон компанийн хувьчлалын асуудлыг УИХ-д оруулж ирээд байгаа юм. УИХ дээр эцэслэн шийдэгдсэн тохиолдолд өмч хувьчлал явагдах юм.