ҮХЦ-ИЙН ГИШҮҮНЭЭР Ш.СОЛОНГЫГ ТОМИЛОХЫГ ДЭМЖИВ

Өнөөдөр УИХ-ын Төрийн байгуулалтын байнгын хороо хуралдаж, "Тогтоолын хавсралтад өөрчлөлт оруулах тухай" УИХ-ын тогтоолын төслийн үзэл баримтлалыг хэлэлцэх эсэхийг хэлэлцэн дэмжив.

Үүний дараа Үндсэн хуулийн цэцийн гишүүнээр Засгийн газрын хэрэг эрхлэх газрын тэргүүн дэд дарга, Сонгуулийн ерөнхий хорооны гишүүн Ш.Солонгыг томилох эсэх асуудлыг хэлэлцэж байнгын хороо дэмжив. Тодруулбал УИХ-аас Үндсэн хуулийн цэцэд нэр дэвшүүлж томилсон Д.Сугарын хугацаа дуусгавар болсон тул түүний оронд Ш.Солонгын нэрийг дэвшүүлсэн юм.