УИХ-ЫН ГИШҮҮД СҮРЬЕЭГИЙН АСУУДЛААР ХӨСҮТ-Д АЖИЛЛАЛАА

УИХ-ын гишүүн, НББСШУБХ-ны дарга Ё.Баатарбилэг, УИХ-ын гишүүн М.Билэгт, Д.Ганболд, Б.Ундармаа, Эрүүл мэндийн сайд Д.Сарангэрэл, Ерөнхий сайдын зөвлөх, доктор Н.Хүрэлбаатар нар өнөөдөр Халдарт өвчин судлалын үндэсний төв (ХӨСҮТ)-д ажиллаж, Сүрьеэгийн клиникийн үйл ажиллагаатай танилцлаа.

ХӨСҮТ-ийн ерөнхий захирал, доктор Д.Нямхүү сүрьеэгийн тусламж үйлчилгээний өнөөгийн байдал, тулгамдсан асуудлыг танилцуулахдаа сүрьеэ өвчин дэлхий дахинд хүн амын нас баралтын тэргүүлэх 10 шалтгааны нэг хэвээр байгааг онцлоод манай хоёр хөршид эмэнд дасалтай сүрьеэгийн тархалт өндөр байгаа нь бидэнд эрсдэлтэй гэлээ.