Д.СУГАР: БУШУУХАН ТА НАРААС ХОЛДМООР БАЙНА

Үндсэн хуулийн цэцийн дөрвөн гишүүний бүрэн эрхийн хугацаа дуусаад байгаа ба тэдний нэг нь ТӨХ-ны дарга асан Д.Сугар юм. Түүнийг МИАТ-аас мөнгө угаасан гэх хэрэгт сэжиглэгдэж байхдаа цэцийн гишүүн болж бүрэн эрхээр хамгаалагдсан тул хууль хяналтын байгууллагаас шалгах боломж байгаагүй. Мөн Д.Сугарыг Эрдэнэт үйлдвэрийн 51 хувийн гэрээнд гарын үсэг зурсан хэмээн мэдээлж байсан ч түүнийг холбогдуулан шалгах эрхзүйн орчин байхгүй тул мөн л шалгаж байгаагаагүй билээ.

Харин Д.Сугарын бүрэн эрхийн хугацаа дуусгавар болсноор түүний бүрэн эрх дуусч хууль хяналтын байгууллага шалгах боломжтой болж байгаа ба эсрэгээрээ Д.Сугар Үндсэн хуулийн цэцийн гишүүнээр улиран сонгогдох эрхзүйн боломж мөн бий.

Харин тэрээр ажлаа өгөхөөр шийдсэн талаараа "Цэцийн гишүүнээр улиран сонгогдох хууль эрх зүйн орчин байгаа ч надад хүсэл алга. Бушуухан чөлөөлөгдөөд та нараас холдмоор байна" хэмээжээ.