Б.БЯМБАСАЙХАНЫ БИЕ ТААРУУХАН БАЙНА

Сангийн сайд асан С.Баярцогт, "Эрдэнэс-Монгол" компанийн гүйцэтгэх захирал асан Б.Бямбасайхан нарын хорих хугацааг Чингэлтэй дүүргийн шүүхээс дахин сунгасан. Б.Бямбасайханы өмгөөлөгч шүүхийн шийдвэрт сэтгэл дундуур байгаагаа илэрхийллээ. Тэрбээр, "Шүүх бүрэлдэхүүн зөвхөн прокурорын хүсэлтийн дагуу шийдвэрлэж, хориод байна. Мэтгэлцэхгүй, хорих учир шалтгаанаа тайлбарлахгүй ийм тохиолдолд шүүх хурал хийх шаардлага байхгүй. Б.Бямбасайханы бие тааруухан, хорихын эмнэлэгт эмчлүүлж байгаа. Зүрх нь өвдсөн учраас нарийн шинжилгээ хийлгэх шаардлага бий" гэж ярилаа.