Ц.ШАРАВДОРЖ: О.БААСАНХҮҮ ДЭЭД ШҮҮХИЙН ТАНХИМД "САЛААВЧ" ГАРГАЖ ТАНХАЙРСАН

МАХН-ын удирдлагууд өнөөдөр цаг үеийн асуудлаар мэдээлэл хийлээ. Энэ үеэр УИХ-ын гишүүн О.Баасанхүүг Монгол Улсын Дээд шүүхэд МАХН-ын дүрмийг хэлэлцэж байхад шүүх хуралдааны танхимд төөрөгдүүлж ор үндсэнгүй зүйл ярьж, салаавч гарган танхайрсан гэв.

Түүнчлэн МАХН-ын гишүүн Уламбаяр ямар нэгэн байдлаар биед нь халдаагүй гэсэн тайлбарыг тус намын удирдлагууд өглөө.

"УИХ-ын гишүүн О.Баасанхүү шүүх хуралдааны танхимд салаавч гаргаж танхайрахад Шүүх танхимд МАХН-ын гишүүд шаардлага тавьсан. Түүнийг зодсон МАХН-ын нэг ч гишүүн байхгүй. УИХ-ын гишүүний ёс зүйгээ илт зөрчиж сошиал орчинд илт худал мэдээлэл тарааж байгаа О.Баасанхүүг УИХ-ын Ёс зүйн хороонд өгнө" гэж МАХН-ын Гүйцэтгэх товчооны гишүүн Ц.Шаравдорж хэллээ.