Х.БАТТУЛГАА АТГ-ЫН ДАРГЫГ ӨӨРЧЛӨХ ЖҮЖИГ ХЭДЭН ҮЗЭГДЭЛТЭЙ ВЭ?

Ерөнхийлөгч Х.Баттулга АТГ-ын дарга болон дэд даргыг олон нийтийн санал асуулгаар сонгохоо мэдэгдсэн. Үүнээс хойш Ерөнхийлөгчийн сайтаар санал асуулга долоон хоног өрнөж, өчигдөр дүнгээ гаргалаа. Иргэдийн сонгосон гэх дүнг үзвэл иргэд биш Ерөнхийлөгч өөрөө иргэдийн нэрийг барьж хүнээ "шахав" уу гэсэн хардлага төрж байна.

Ерөнхийлөгчийн сайт дээрх мэдээллийг харвал: "Авилгатай тэмцэхгазрындарга, дэддарга"-ын албан тушаалд нэр дэвшүүлэх саналыг нийт 6405 иргэн ирүүлснээс АТГ-ын даргад 6382 иргэний саналаар 179 хүнийг, дэд даргад 5657 иргэний саналаар 317 хүнийг тус тус нэр дэвшүүлсэн байна" гэжээ. Ерөнхийлөгч иргэдийн нэрийг барьж өөрийнхөө хүнийг АТГруу зүтгүүлж байгааг дараах зүйлсээс харж болно.

Нэгдүгээрт санал асуулгад оролцсон 6405 хүн гэдэг нь Монгол улсын нийт хүн амын ердөө 0.02 хувь юм. Харин насанд хүрсэн, сонгуульд оролцох эрх бүхий буюу шийдвэр гаргах чадамжтай хүмүүсийн 0.26 хувь юм. Өөрөөр хэлбэл шийдвэр гаргаж, сонгох сонгогдох эрх бүхий хүмүүсийн нэг хувийн саналыг ч АТГ-ын даргад нэр дэвшигч хүртэхгүй байгаа юм. Энэ шударга уу?

Хоёрдугаарт санал асуулгадоролцсониргэд АТГ-ын даргаддараах 10 хүнийгтохиромжтой гэж үзжээ. Дээрх арван хүнийг харвал эхний зургаан хүнийг олон нийт төдийлөн мэдэхгүй, ажил мэргэжлийн онцлогоос үүдэж, ил тод ажиллаж байгаагүй.Олны танил хүмүүс огт биш юм. Гэтэл иргэд хэрхэн мэдэж, дээрх хүмүүсийг нэр дэвшүүлэн, санал өгөв? Ямар мэдээлэл дээр үндэслэв? Иргэдийг мэдээллээр хангах нөхцөл огт бүрдээгүй байв.

Гуравдугаарт АТГ-ын даргад нэр нь тодроод буй Д.Даваа-Очир нь өдгөө ҮАБЗ-ийн ажлын албаны дарга юм. Түүнийг Х.Баттулгыг Ерөнхийлөгч болсоны дараа томилсон юм.

АТГ-ын даргад хэнийг дэвшүүлэх вэ гэдгийг ард түмэн шийдэхэд төвөгтэй. Учир нь хууль хүчний байгууллагад олон жил "нуугдмал" ажил эрхэлж байсан хүмүүсийг иргэд мэдэж, мэдээлэлжиж сонголт хийх боломжгүй. Өөрөөр хэлбэл ард түмэн гэх үгээр халхавч хийж, тэдэнд таалагдах оноогоо авах. Дараа нь өөрийнхөө хүнийг АТГ-ын дарга болгохоор зүтгүүлэх нь Х.Баттулгын нүүдэл. Харин энэ жүжиг хэдэн үзэгдэлтэй вэ? Ард түмний өмнө ард түмнээ гэх баг зүүж санал авсаар байх уу? Ерөнхийлөгчөө?