​НӨӨЦИЙН МАХЫГ ДОЛДУГААР САРЫН 1-НИЙГ ХҮРТЭЛ ХЯМД ҮНЭЭР БОРЛУУЛНА

Засгийн газраас хэрэгжүүлж буй "Мах, сүүний анхдугаар аян"-ны хүрээнд иргэдэд тогтвортой хямд үнээр нийлүүлэхээр бэлдсэн мах энэ сарын 10-наас худалдаанд гарсан билээ. Өнгөрсөн жилүүдэд аж ахуйн нэгжүүдийн нөөцөлсөн махны кг тутамд нь төрөөс 1000 төгрөгийн урамшуулал олгодог байсан. Энэ жил сонгон шалгаруулалт зарлаад, тэнцсэн компаниудад арилжааны дөрвөн банкаар дамжуулан хөнгөлөлттэй зээл олгох зарчмаар явагдсан байна.Энэ жил 11 аж ахуйн нэгж 13 мянган тонн мах бэлтгэсэн. Үүнээс 24.1 хувь нь үхрийн мах, 40.8 хувь нь хонины мах, 35.1 хувь нь ямааны мах байна. Нөөцийн махыг долдугаар сарын 01-ныг хүртэл зах зээлийн үнээс хямдаар борлуулах юм. Тодруулбал, үхрийн мах нэг кг нь 5500, хонины махыг 5300, ямааны махыг 4400 төгрөгөөр худалдаалж буй аж.