АРХИДАН СОГТУУРЧ ТӨРСӨН ЭЦГЭЭ ХУТГАЛЖЭЭ

Архи ууж согтуурсан үедээ төрсөн эцгээ хутгалж гэмтээсэн ноцтой хэрэг нийслэлд бүртгэгджээ. Хэрэг явдал өнгөрсөн даваа гаригийн орой 20:00 цагийн орчимд болсон бөгөөд Сонгинохайрхан дүүргийн 27-р хороонд оршин суух 34 настай И нь өөрийн төрсөн эцэг 61 настай Т-г хувийн таарамжгүй харилцаанаас болж, баруун гарын шууд нь хутгалж гэмтээжээ.

Энэ мэтчилэн архидан согтуурсантай холбоотой гэр бүлийн хүчирхийллийн гэмт хэрэг тасрахгүй гарч байгааг цагдаагийн байгууллагаас онцгойлон анхааруулж байгаа юм. Тиймдээ ч аавыгаа, эхнэрээ хутгалах, зодох, айлган сүрдүүлэх байнгын айдас түгшүүр төрүүлж байгаа иргэдэд цагдаагаас түргэн шуурхай арга хэмжээ авч байгааг цагдаагийн байгууллагаас мэдээлж байгаа юм.