ЭКС ЕРӨНХИЙ САЙДЫГ БАЙЦААЛТЫН ДАРАА ШУУД ХОРЬЖЭЭ

Ерөнхий сайд асан Ч.Сайханбилэгт прокурорын байгууллагаас дуудах хуудас хүргүүлэн эх орондоо ирэхээр нь Оюутолгойн гэрээтэй холбогдуулан хуулийн байгууллага байцаалт авна хэмээн мэдэгдсэн. Харин хариуд нь экс Ерөнхий сайд ил захидал илгээж, өвчтэй дүүгээ асарч байгаа, ирэх долоо хоногт очиж байцаалт өгнө хэмээсэн. Тэгвэл тэрбээр өчигдөр 21 цагийн орчимд Сөүлээс Улаанбаатарт газардсан байна. Түүнчлэн түүнийг өнөөдөр АТГ-т очиж байцаалтаа өгнө хэмээн манай сайт мэдээлсэн билээ. Тэгвэл хэлсэн ёсоор тэрбээр өнөөдөр АТГ-д мэдүүлэг өгсөн бөгөөд түүнийг прокурорын зөвшөөрлөөр таслан сэргийлэх арга хэмжээ авч, түр саатуулсан талаар эх сурвалж мэдээллээ. Ийн Сангийн сайд асан С.Баярцогтыг амралтын өдөр байцаалт авна хэмээн дуудан байцаалтаа авч дуусаад шууд хорьсон шиг экс Ерөнхий сайдыг ч мөн л тэр жишгээр байцаалтын дараа шууд хорьжээ.