ЕРӨНХИЙ САЙД АСАН Ч.САЙХАНБИЛЭГ БАЙЦААЛТАА ӨГНӨ

Ерөнхий сайд асан Ч.Сайханбилэгт прокурорын байгууллагаас дуудах хуудас хүргүүлэн эх орондоо ирэхээр нь Оюутолгойн гэрээтэй холбогдуулан хуулийн байгууллага байцаалт авна хэмээн мэдэгдсэн билээ. Тэрээр хариуд нь ил захидал илгээж, өвчтэй дүүгээ асарч байгаа, ирэх долоо хоногт очиж байцаалт өгнө хэмээсэн. Тэгвэл тэрбээр өчигдөр 21 цагийн орчимд Сөүлээс Улаанбаатарт газардсан байна. Түүнчлэн түүнийг өнөөдөр АТГ-т очиж байцаалтаа өгнө хэмээн эх сурвалж хэллээ. Харин энэ талаар АТГ-аас асуухад "Одоогоор мэдсэн зүйл алга. Манай АТГ-т оффшорын асуудлаар хэлэлцүүлэг болж байгаа юм. Манай Мөрдөн байцаах газрын дарга тэр хэлэлцүүлэгт сууж байгаа. Гарч ирэхээр нь асуугаад хариу мэдэгдье" гэсэн хариулт өглөө.