ИХ ДЭЭД СУРГУУЛИУДЫН БОСГО ОНООГ 480 БОЛГОЖ ӨСГӨЛӨӨ

Монгол Улсын хэмжээнд их, дээд сургуульд элсэгчдийн сурах ерөнхий чадвар, мэдлэгийн төвшинг тогтоох зорилго бүхий Элсэлтийн ерөнхий шалгалт /ЭЕШ/-ын орон даяар эхлэх гэж байна. ЭЕШ-ын бүртгэл энэ оны хоёрдугаар сарын 08-нд эхэлсэн. Тэгвэл БСШУСЯ, БҮТ, холбогдох байгууллагууд хамтран судалгаа хийсний үндсэн дээр ЭЕШ-ын их дээд сургуульд элсэгчдийн босго оноог 480 болгон нэмэгдүүлжээ. Өнгөрсөн жилийн хувьд 400 байсан бол энэ жил 80 оноогоор нэмэгдэж элсэгчдэд цэнзүүр тавьжээ.

Энэ жил ЭЕШ өгөх сурагчид дараах зүйлийг анхаарах хэрэгтэй юм байна.

• Энэхүү шалгалтад 2018 онд ерөнхий боловсролын сургууль төгсөгчдөөс гадна Монгол улсын их дээд сургуулиудад элсэхийг хүссэн хүн бүхэн оролцох боломжтой.
• Та өөрийн бүх мэдээллийг үнэн зөвөөр бөглөх шаардлагатай бөгөөд энэхүү мэдээллүүдэд тулгуурлан таны дүнг эргэж мэдээлэх, ерөнхий шалгалтын батламжийг хэвлэх болно.
• Онлайн бүртгэлийн төлбөр тооцоог интернэт эрхтэй VISA эсвэл MASTERCARD төлбөрийн картаар хийнэ.
• Шалгалтын бүртгэл 2018-04-16 18:00:00 цаг хүртэл онлайнаар хийгдэх бөгөөд бүртгэл хаагдаснаас хойш шалгалт эхэлтэл дахин нэмэлт бүртгэл хийх боломжгүй гэдгийг сайтар анхаарна уу
• Дэлгэрэнгүй мэдээллийг https://eyesh.eec.mn/ сайтаас авах боломжтой юм байна.