ХОТЫН ЗАХИРГААНЫ БАЙРНААС БОЛЖ БОДЬ ГРУПП ШҮҮХЭД ХАНДЖЭЭ

Э.Бат-Үүлийг нийслэлийн Засаг дарга байхад НИТХ-ын хуралдаанаар 2016 оны тавдугаар сарын 16-нд Бодь группийн эзэмшилд буюу "Голомт фаннэйшнил групп" компанид концессоор шилжүүлжээ. Тус компани хотын захиргааны байрыг спорт заалтай нь нураагаад оронд нь зургаан давхар барилга барьж, гурван давхрыг нь хотод шилжүүлэн өгөх концессын гэрээ байгуулсан юм. Замын цагдаагийн уулзварт баригдах давхар гүүрний бүтээн байгуулалтад Үндэсний соёл амралтын хүрээлэн эзэмшлийн газартаа нэг тэрбум орчим төгрөг шаардсан. Үүний 680 сая төгрөг нь нийслэлд жил бүр төвлөрүүлдэг, харин 322 нь гүүрийн бүтээн байгуулалтад шаардах талбайн нөхөн олговор юм. 2016 оны сонгуулийн дараа Нийслэлийн Засаг дарга С.Батболд УИХ-ын чуулганы нэгдсэн хуралдаанд оролцох үеэрээ "Нийслэлийн өмнөх удирдлагууд Ханын материалын орчимд хотын захиргаа барихаар 230 сая долларын концессын гэрээ байгуулаад явсан байсан. Бас өмнөх удирдлагууд "Голомт", "Бодь" групптэй гэрээ хийгээд захиргааны байрыг зарсан. Шүүх дээр маргаан явж байна. Энэний оронд байр сав барина гэсэн гэрээтэй. Нийслэлийн өмчөө яаж буцааж авах вэ гэдэг чухал болоод байна" гэсэн байдаг.